Эрзин: Өг-бүле – чаңчылдарның кадагалакчызы

Эрзин кожууннуң Бай-Даг сумузундан Буянды Николаевич биле Марита Шактаровна Назыннарның өг-бүлези «Чылдың өг-бүлези» мөөрейниң «Өг-бүле – чаңчылдарның кадагалакчызы» номинациязынга киришкен. Ада-ите салгалдан салгалче ажы-төлүнге өг-бүлениң ыдыктарын болгаш тыва чоннуң ёзу-чаңчылдарын дамчыдып чоруур. Оларның амыдырал-чуртталгазында кол черни күш-ажыл ээлеп турар. Өг-бүле теве малды азырап чоруур болгаш, ада-өгбезиниң ажыл-ижин уламчылап, тыва чоннуң амыдыралының чаңчылчаан ажыл-ижин кадагалап чоруурлар. Оларның өг-бүлезиниң бир демнии, күш-ажылгыры, ёзу-чаңчылдарга хүндүткели аныяк-өскенге үлегер болуп чоруур. Эрзин кожууннуң Бай-Даг сумузунуң медээзинден Мира Конгул-оол белеткээн. #деньсемьи #семейныеценности Сумунуң культура бажыңының чуруктары