Энерел Сеткил: Аныяктарның эгелээшкини

«Энерел Сеткил» ачы-дуза фондузунуң салбырлары Улуг-Хем база Эрзин кожууннарга ажыттынар. «Фондунуң салбырлары Шагаан-Арыг болгаш Эрзинге ажыттынар. Ооң боттанылгазының сөөлгү чадаларын эртип тур бис. Күзелдиг улус-биле кады ажылдаарынга белен бис, фондунуң салбырларын өске-даа кожууннарга ажыдары-биле улуг ажыл чоруттунуп турар» - деп, «Энерел Сеткил» ачы-дуза фондузунуң үндезилекчилериниң бирээзи Айдың Шивидек чугаалаан. Аныяктарның буянныг эгелээшкинин хууда сайгарлыкчылар, блогерлер, социал албан черлери болгаш хөй-ниити организациялары деткип эгелээн. Алена Нан-Хоо белеткээн. Чурукту социал четкилерден алган.