Эмчи колледжизиниң сургуулдары онзагай чемнерни белеткээн

Республиканың эмчи колледжизиниң хөй-ниити чуртталга бажыңынга кулинарлыг кежээ эрткен. Ында чурттап турар сургуулдар база "Хозяюшка" бөлгүмүнүң киржикчилери эң-не амданныг, чаагай кежээни организастаан. Сургуулдар аразында кулинарлыг мөөрейлер болуп, онзагай болгаш эң-не чаагай чемнерни белеткээн. Кулинарлыг кежээге бирги курстуң оолдары идепкейлиг киришкенин хөй-ниити чуртталга бажыңының кижизидикчи башкызы Надежда Кужугет демдеглээн. Студентилер чем кылырын сонуургап, изиг күзели-биле киришкен.