Экономика: эки медээ

Россияның экономиказы болгаш саң-хөө байдалы стабилдиг байдалче кирип турар. Ооң-биле кады российжи акшаның үнези быжыгып кел чыдар. Барыын чүк чурттары бистиң чуртувуска хамаарыштыр кызыгаарлаашкыннар чорутса-даа, российжи валютаны базып шыдаваан. Хүнден хүнче рубль долларга база еврога хамаарыштыр быжыы-биле өзүп турар. Рубльдуң үнези бадар деп, баш бурунгаар медээлерни чугаалап турза-даа, бо неделяның түңнели-биле алырга, ол болдунмаан. Төп Банк бирги кызыгаарлаашкыннар соонда, кол ставказын 17 хууга бадырган. Хамаатыларга даштыкыже валютаны шилчидер арганы база тургускан. Мира КОНГУЛ-ООЛ белеткээн