️ТР-ниң Дээди Хуралының депутады Буян Биче-оол Тываның Баштыңының Айыткалынга хамаарыштыр
– «ЦСКА-Тыва» спорт школазын улам хөгжүдери-биле Кызыл хоорайга чаа универсалдыг спорт комплекизин тудуп эгелээр деп шиитпирни хүлээп алган. Бо улуг төлевилелдиң боттандырылгазын чедип алганы – Тыва Республиканың Баштыңы Владислав Ховалыг баштаан команданың чедиишкини болур.
Бо медээни амы-хуумда улуг өөрүшкү-биле хүлээп ап турар мен! «ЦСКА-Тыва» спорт школазының ажыттынганындан бээр 10 чыл эрткен, ооң өөреникчилериниң улуг-биче маргылдааларга чедиишкиннери билдингир. Россияның Камгалал яамызы бодунуң Тывада спорт школазының эки түңнелдерин билир болгаш, ындыг деткимчени көргүскени ол. Мындыг тодаргай ажылдар тренер-башкыларны-даа, кижизидип турар аныяк спортчуларывысты-даа чүглендирип турар. Бо бүгү хемчеглер Тывага уруглар спортун хөгжүдеринге, аңаа эки көргүзүглерни чедип алырынга салдарлыг болуру чугаажок.
