Эң-не тергиин студенчи өг-бүлени илереткен

ТывКУ-нуң тергиин студенчи өг-бүлезин илереткен. Ол дугайында дээди өөредилге чериниң парлалга албаны дыңнадып турар. «Тергиин студенчи өг-бүле-2022» мөөрейниң киржикчилери интеллектуалдыг болгаш чогаадыкчы угланыышкыннар аайы-биле маргышкан. Олар боттарын таныштырбышаан, «Мээң кадык өг-бүлем» видеороликти белеткээннер. Оон аңгыда киржикчилерге РФ-тиң Өг-бүле кодекизинден айтырыгларны салган. Ниитизи-биле 5 аныяк өг-бүле киришкен. Мөөрейниң кол-ла негелдеи – аныяктар бадылашкан турур ужурлуг. Мөөрей үезинде аныяктар өг-бүле туткан төөгүзүн чугаалап, бот-боттарының эки талаларын таныштырган. Чижээлээрге, Кызылдың башкы колледжизиниң студентилериниң «love story» деп таныштырылгазын жюри кежигүннери тергиин деп санаан. Бо удаада мөөрейниң тиилекчилери олар болган. А география факультединиң биргикурсчулары Вадим биле Еваның өг-бүлези хөй чыл стажтыг. Олар чаңгыс школага өөренип турган, улаштыр ортумак өөредилге черинче кады кирип алганнар. Вадим – тускай шериг операциязының киржикчизи. Балыгланган соонда чанып келгеш, өөнүң ишти Ева-биле ТывКУ-же өөренип кирген. Мөөрейиниң чогаадыкчы кезээнде аныяктарның ыры-шоору көрүкчүлерни кайгаткан. Мира КОНГУЛ-ООЛ белеткээн.