Делгелгениң салым-чаяанныг киржикчилери
Даяна выставканың бичии киржикчизи, 5-ки класстың өөреникчизи. Чинчилер-биле янзы-бүрү сырга, билектээш, илчирбежигештер кылып турар. 1 класстан тура «бисероплетение» бөлгүмү барып, бирги каасталга эдилелдерин кылып эгелээн. Даянаның авазы өске улуска кылып, садарын уруунга сүмелээн. Ол хостуг үезинде чагыглар кылдыр чараш эдилелдерни кылып турар.
Седип Алдынай 2 ажы-төлдүң авазы, каасталгалар кылыры аңаа немелде орулга. 2019 чылдан тура чинчилерден кыс улуска эдилелдерни кылып эгелээн. Инстаграм четкиде кылган ажылдарын болгаш кыска видео кичээлдерин көргүзүскен.
