Диспансеризация эрткен соонда, 120 кижини курортче эмнедири-биле чоруткан

Тес-Хем кожууннуң эмчилери диспансериязация үезинде 1695 янзы-бүрү аарыгны илереткен. Ниитизи-биле кожууннуң девискээринге 2579 кижи диспансеризацияны эртер ужурлуг. Амгы үеде 1852 кижи эрткен. Оларның 768-и эр кижи, 1084 херээжен кижи болган. Диспансериязация үезинде эмиг бестерин 160 кижи хынаткан, оларның аразында 6 кижиде патологтуг хажыдыышкыннар бар болган. Ижин-баар, биче таз дээш оон-даа өске аарыгларны илередири-биле УЗИ хыналдазын 59 кижи эрткен, оларның 36-да патологтуг хажыдыышкыннар бар. Ол ышкаш бүгү талалыг эмчи хыналдазын өске-даа органнар аайы-биле чоруткан. Аарыгларның тыптып турар чылдагааны: шын эвес чемненилге, семириири, хан базыышкынының улуу, шимченмези база таакпылаары. Тес-Хем кожууннуң чагыргазының дыңнадып турары-биле алырга, чурттакчы чонунуң кадыкшылын бөлүктерге аңгылаан: Кадыкшыл байдалының I бөлүү – 48 кижи. Кадыкшыл байдалының II бөлүү – 556 кижи. Кадыкшыл байдалының III А бөлүү - 1355 Кадыкшыл байдалының III Б бөлүү - 340. Немелде хыналдаже 7 кижини чоруткан. Санатор-курорт эмнээшкинче 120 кижини чоруткан. Тыванын аныяктары/Молодежь Тувы