Дааранылга коворкингизи кижи бүрүзүнге ажык

ТывКУ-нуң студентизи Кристина Оюн Росаныяктарның мөөрейинге тиилээш, бодунуң төлевилелин амыдыралга боттандырып эгелээн. Ооң «Социал дааранылга коворкингизи» деп төлевилели Бүгү-россияның аныяктар төлевилелдери мөөрейниң «Социал чадаларның хөгжүлдези» номинациязынга тиилээн. «Төлевилелдиң кол сорулгазы – социал дааранылга коворкингизин тургузары болгаш дериг-херекселдерни сатпышаан, мастер-класстарны эрттирери болур. Коворкинг Бай-Тайга кожууннуң Шуй суурунга ажыттынар» - деп, Кристина Оюн чугаалаан. Ооң чугаалап турары-биле алырга, амгы үеде херек ужурлуг дериг-херекселдер саттынган. Төлевилелди амыдыралга боттандырып тура, хөй ажы-төлдүг база орулгазы эвээш өг-бүлелер идик-хепти боттарынга даарап, септеп-селип өөредири студентиниң база бир кол сорулгазы. #ТувГУ#Росмолодежь #росмолгрант #ресурсцентр #проект #студентка #ЕГФ #Тува #россиястранавозможностей