Өвүрде "Маадырның партазын" ажыткан

Өвүр кожууннуң Дус-Даг ортумак школазынга "Маадырның партазын" ажыткан. Өөреникчилер болгаш Россияның школачылар шимчээшкининиң идепкейжилери ук школаның доозукчузу, маадыр чаңгыс чер-чурттуу Байлак Донгактың дугайында эки билип алганнар. "Маадырның партазын" ажыдар хемчегге кожууннуң, сумунуң удуртукчулары, маадырның авазы Любовь Кыргыс база чоок төрелдери киришкен. Ук партага олурар эргени школаның лидери, "Хамнаарак" мөөрейниң тиилекчизи, 11-ги классчы Далай Тувекейге тывыскан. Тыванын аныяктары/Молодежь Тувы