Өске кижиниң кадыкшылының орнунга чиик орулга
Тес-Хем район судунуң шүүгү хуралының секретары Д. Араптанның дыңнатканы-биле алырга, тус черниң чурттакчызы спирт холумактыг бараанны бажыңындан чөпшээрел чокка садып турган.
Ооң чанында чоок-кавы кожалары арага аймаан доктаамал садып ап турган. Экспертизаның түңнели-биле алырга, ында янзы-бүрү холуксаалар бар болган.
Ук хамаатыга хамаарыштыр ооң мурнунда база административтиг корум-чурум хажытканы дээш херекти оттруп турган. Ынчалза-даа хамааты ону тоомчага албайн, хоойлуга удур арага аймаан садарын уламчылаан.
Тес-Хем район судунуң шииткели-биле хамаатыга яла кылдыр 60 муң акшага торгаалды онааган. Ону 12 ай дургузунда 5 муң акша кылдыр төлээр.
Шииткел хоойлу езугаар күш кирген.
Мира КОНГУЛ-ООЛ белеткээн.
Чурукту социал четкилерден алган
