«Өг-бүле шыгжамыры» губернатор төлевилели

Бай-Тайга кожуунда «Өг-бүле шыгжамыры» губернатор төлевилелиниң киржикчизи картофельди тарып дооскан. Ук кожууннуң Кызыл-Даг сумузунда хууда дузалал ажыл-агыйлыг С. Бышкак 6,5 гектар черде картофельди тараан. «Өг-бүле шыгжамыры» төлевилелди Тываның Баштыңы Владислав Ховалыг регионнуң парламентизинге Айыткалында демдеглээн. Төлевилелдиң кол сорулгазы – ажыл-агыйлар болгаш өг-бүлелер картофельди тарып, боттарының дүжүдүн алыры. Бай-Тайга кожууннуң медээзинден Мира Конгул-оол белеткээн.