Өөредилге черлеринде айыыл чок чорук

Тываның ортумак өөредилге черлеринде антитеррорлуг айыыл чок чорукка хамаарыштыр хыналданы чорудуп турар. Өөредилге болгаш эртем яамызының парлалга албанының дыңнадып турары-биле алырга, республиканың профессионал өөредилге төвү ук өөредилге черлеринде хыналданы кылып эгелээн. Дүүн төптүң ажылдакчылары Тываның тудуг техникумунга четкен. Өөредилге чериниң камгалал ажылчыны турникетке келген аалчыларның документилерин хынаан, журналга бүрүткээн, термометр-биле эъдиниң изиин хынааш, антисептик-биле холдарны чаштырган. Хыналда үезинде илерээни-биле: албан чери-биле тудуш студентилерниң хөй-ниити чуртталга бажыңында 6 камгалал ажылчыны ээлчег езугаар ажылдап турар, чүгле 38 даштыкы болгаш иштики хайгаарал камералары бүдүн. Өөредилге албан чериниң удуртулгазы айыыл чок чоруктуң паспортун чаартып кылып эгелээн. Ооң хуусаазы 2021 чылда төнер. Хыналда үезинде паспорт Росгвардияның хыналдазын эртип турарын дыңнаткан. Оон аңгыда аныяктар ортузунда терроризмге удур тематиктиг класс шактары, лекциялар чоруттунуп турар. #профиактикатерроризма #безопасностьмолодежи #тыванын_аныяктары