Үжен сес муң ажыг өөредилге номун республиканың школаларынга хуваар

Тываның Өөредилге яамызы Тываның Баштыңы Владислав Ховалыгның даалгазын күүседир дээш, эге класстарның (1-4 класстар) тыва дыл болгаш төрээн чогаал номнарын парладырынга «Офсет» ном үндүрер чер-биле керээни чарган. Бо чылдың эгезинде 38324 санныг өөредилге номун республиканың 166 школазынга хуваар. Бирги класстарга «Yжүглел», «Бодуӊ номчу», ийиги класстарга «Тыва дыл», «Литературлуг номчулга», 3 биле 4 класстарга «Тыва дыл» болгаш «Литературлуг номчулга» өөредилге номнарын чагаан. Национал школалар хөгжүдер институттуң ажылдакчылары 2020 чылда өөредилге номнарын ажылдап кылган болгаш, оларны Россияның Чырыдыышкын яамызының дужаалы-биле өөредилге номнарының федералдыг даңзызынче киирген. ТМГ