Чуртталга-коммунал ажыл-агыйынга хамаарышкан меге медээлер үнүп турар

Бо айтырыгга хамаарыштыр ТР-ниң Чуртталга-коммунал ажыл-агый яамызының сайыдының оралакчызы Евгений Овсянников тайылбырлаан: - Чуртталга-коммунал ажыл-агыйынга хамаарышкан меге медээлер социал четкилерде үнүп турар. Бистиң яамывысче база коммунал ачы-дуза чедирилгезиниң өртектери өзериниң дугайында айтырыглар чурттакчылардан доктаамал кээп эгелээн. Коммунал ачы-дуза индекстериниң өзери көрдүнген деп медээлер шынга дүүшпес. Бо чылдың төлевирлерин нормативтиг актылар-биле бадылаан, план езугаар ону чүгле 2022 чылдың чайынында өскертир. Ынчалза-даа ол 4 хуудан көвүдевес болур. #ОбъясняемРФ #Тыва