«Чонар-даш» мөөрейи уламчылап турар

Бүгү-делегейниң IV сарыг шажын шуулганынының ажыл-чорудулгазының иштинде «Чонар-даш» мөөрейниң муниципалдыг чадазы Кызыл, Таңды, Чаа-Хөл, Улуг-Хем, Бии-Хем, Бай-Тайга, Мөңгүн-Тайга кожууннарда болгаш Кызыл хоорайда эрткилээн. Мөөрейде школачылар улуг сонуургал-биле киржип, даштан онзагай хевирлерни сиилбип турарлар. Мөөрейниң «Дең арга-шинектер» категориязында кадыкшылының аайы-биле харык-шинээ кызыгаарлыг 5 уруг киржип турар. Олар чогаадыкчы ажыл уругларны хаара тудуп, кандыг-даа шаптараазыннарны ажып эртерин херечилеп турар. Уругларның тергиин ажылдарын Бүгү-делегейниң IV сарыг шажын шуулганының үезинде делгелгеге салыр болгаш, Тываның онзагай каас-чараш культуразын делегейге алдаржыдар. #сарыг_шажын_шуулганы