Чогаал ажылынче аныяктарны хаара тудар

Тываның Баштыңы Владислав Ховалыг РФ-тиң Чогаалчылар эвилелиниң баштаар чериниң даргазы, шериг журнализи, курлавырда полковник, афганчы, Россияның Президентизиниң чанында кижиниң эргелерин камгалаар чөвүлелдиң кежигүнү Николай Иванов-биле ужурашкан. "РФ-тиң Чогаалчылар эвилелиниң баштаар чериниң даргазы, шериг журнализи, курлавырда полковник, афганчы, Россияның Президентизиниң чанында кижиниң эргелерин камгалаар чөвүлелдиң кежигүнү Николай Иванов-биле ажылчын ужуражылганы кылдым. Ол Тываның Чогаалчылар эвилелиниң тургустунганындан бээр 80 чыл оюн таварыштыр коллегаларынга байыр чедирер дээш бистиң республикавысче аалдап келген. Ооң-биле Тываның литературлуг каттыжылгазының сайзыралынга хамаарыштыр кады ажылдажылганың кол-кол айтырыгларын чугаалаштывыс. Ол ышкаш чогаал адырынче аныяктарны хаара тудары база. Н. Ивановтуң чогаадыкчы оруу шериг албаны-биле сырый харылзаалыг. Шериг хүлээлгезин эрттирип тургаш, "Советский воин" журналды номчуп чораан. Ооң соонда ук журналдың кол редактору болган. Ынчангаш бо хүн шериг темазын чугаалашпайн баар аргавыс чок болду" - деп, В. Ховалыг бодунуң блогунда бижээн. Мира КОНГУЛ-ООЛ Тыванын аныяктары/Молодежь Тувы