Мөңгүн-Тайга кожууннуң аныяктарының аразында салым-чаяанныг, креативтиг үзел-бодалдыг, бодунуң төрээн чери дээш сагыжы аарып чоруурлар хөй. Оларга Сайзаана Байыр-оолду дидими-биле хамаарыштырып болур. Ол – культурлуг, өөредиглиг, спортчу хемчеглерниң идепкейлиг киржикчизи.
2020 чылда Сайзаана
#КомандаТувы2030 аныяктар шуулганынга киришкеш, бодунуң төлевилелин камгалап алган. Ооң төлевилели езугаар Мугур-Аксы суурнуң «Аржаан» арбанынга уругларга ойнаар шөлчүгешти кылган.
Төлевилелди амыдыралга боттандырарынга ооң чаңгыс чер-чурттуглары база өг-бүлези деткимчени көргүскен. Ниитизи-биле грантыга 132880,0 рубль көрдүнген. Шупту акша-хөреңгини уруглар ойнаар шөлчүгештиң дериг-херекселдеринче чарыгдаан.
Сайзаана Байыр-оолдуң төлевилелинче кады акшаландырыышкынны «Аржаан» арбанның чурттакчылары, чаңгыс чер-чурттуглары, 2019 чылда «Тыва – бистиң өргээвис» мөөрейге киришкеш, шаңналга алган акшазын киириштирген.
Сайзаана Байыр-оол төлевилелин боттандырарынче улуг күштү үндүрген. Ол ышкаш ачы-дузазын көргүскен мөңгүн-тайгажыларга четтиргенин ол илереткен.
М. КОНГУЛ-ООЛ ажылдаан.
#сайзыраТыва #монгунтайгааныяктары
#грант #тыванын_аныяктары #төлевлиел
