Чеди-Хөлге "Ийи сылдыс" мөөрейи эрткен

Чеди-Хөл кожууннуң "Таңды-Уула" культура бажыңынга "Ийи сылдыс" мөөрей болуп эрткен. Аңаа кожууннуң профессионал ыраажылары болгаш ыры-хөгжүмге сонуургалдыг кижилер киришкен. Киржикчилерниң ырлаан ырыларын көрүкчүлер диңмиттиг адыш часкаашкыннары-биле үдеп турган. Ыраажыларның салым-чаяаны кайызындан-даа чая часпайн, нарын шилилгени болдурган. Ынчалза-даа "Ийи сылдыстың" Гран-при дипломунга Хову-Аксы суурдан Бокту-Кириш база Нина Монгуштар төлептиг болганын сагындыраал. Дараазында чада аайы-биле черлерни Ак-Тал, Сайлыг, Хөлчүк, Элегест сумуларының төлээлери ээлээн. #культура