Че, кажыктап ойнаалам!

Тываның Баштайгылары республика чергелиг "Кажык" чемпионадының эгелээнин чарлаан. "Че, кажыктап ойнаалам!" чемпионатты Тывада "Движение первых" уругларның болгаш аныяктарның хөй-ниити организациязы Тыва үндезин культура төвүнүң ажылдакчылары-биле демнежип организастаан. Организаторларның чугаалап турары-биле алырга, бо хемчег тыва улустуң оюннарын нептередиринге болгаш уругларның угаан-бодал сайзыралынга дузалыг. Чемпионат 3 турдан тургустунган. Школа чадазы октябрь 9-14 хүннеринде болуп эрткен. Муниципалдыг чадазы октябрь 16-21 хүннеринде болуп турар. Республика чергелиг чемпионатты ноябрь 9-та Кызыл хоорайга Аныяктар херектериниң агентилелиниң оран-савазынга эрттирери көрдүнген. Командалар национал хептиг болгаш адын, девизин тыва дылга чогаадыр. Бир командага-ла 6-дан 17 хар назылыг 4 киржикчи турар. Чагыгларны дараазында ссылка езугаар киирер: https://рдш.рф/competition/4701