Чөөн-Хемчик кожууннуң 2 суурунда ФАП-тар ажыттынган

Дүүн Чөөн-Хемчик кожууннуң Чыргакы база Хөндергей суурларынга фельдшер-акушер пунктулары ажыттынган. Көдээ суурларның чуртталгазында база бир чаартылгалыг байырлалга Кадык камгалал яамызындан Марианна Куулар, Кызылда уругларның кадыкшылга төвүнүң эргелекчизи Аркадий Начын болгаш кожууннуң удуртукчулары, эмчилери чылыг-чымчак сөстерни чугаалаан. «Шөлээм үезинде Хөндергей, Чыргакы сумуларга ФАП-тарның байырлыг ажыдыышкынынга киржир чалалганы алдым. Эмчи эш-өөрүмге, коллегаларымга аазааным езугаар июнь 4-те байырлыг хемчеглерге киришкеш келдим. Эмчи мергежилин чедип алгаш, баштайгы күш-ажылчы базымнарым Чөөн-Хемчик кожуундан эгелээн. Хөй чылдар иштинде кожууннуң төп эмнелгезин удуртуп ажылдап чордум. Өөм ишти-биле аныяк чылдарывыста чурттап чораан черлеривисти күзелдиивис-биле эргип четтивис» - деп, Уругларның кадыкшылга төвүнүң улуг эмчизи Аркадий Начын бодунуң блогунда бижээн. Мира КОНГУЛ-ООЛ #нацпроекты