Чаян Хертек бүгү делегей чергелиг эки турачылар премиязының чартык финалынга тиилээн

Чаян Хертек #МЫВМЕСТЕ эки турачылар премиязының "Арга-шинектер чурту" номинациязының регионалдыг чадазынга тиилээн. Ол - Хакас күрүне университединиң студентизи. Мөөрейниң кол шаңналы - Россия иштинге аян-чорук. Чаян Хертек "Ойнаалам че, оюнчукпай" деп тыва оюн төлевилелин кылган. Ооң кол сорулгазы - Тываның национал культуразы-биле өөреникчилерни болгаш студентилерни таныштырары. - Эксперттер мээң ажылымны бедик үнелээнинге өөрүп тур мен. Ындыг улуг шаңнал алыры чоргааранчыг-дыр, оон аңгыда чуртту кезиир арга тургустунган. Бир эвес шилилге бар болза, Ыраккы чөөн чүк азы Дагестанче баар күзелдиг мен - деп, Чаян Хертек чугаалаан. Алена Нан-Хоо ХКУ-нуң медээзинден белеткээн. Чурукту социал четкилерден алган. Тыванын аныяктары/Молодежь Тувы