Чаштар байырлалында
Республиканың девискээринде коронавирус аарыының көвүдеп турарындан июнь 1-де массалыг хемчеглер болбас чыгыы. Росхереглелхайгаарал эргелелиниң удуртукчузу Людмила Салчак бо хүн чазактың аппарат хуралынга Уруглар камгалалының хүнүнде байырлыг хемчеглерни хоруурун сүмелээн. Ындыг-даа болза, уругларны байырлал чокка арттырбас. Хөглүг оюн-тоглаа бажыңнар чанынга эртип болур.
Коронавирус аарыы республикада бадып турза-даа, байдал ам-даа дүшкүүрлүг болуп турарын кол санитар эмчи Людмила Салчак дыңнаткан. «Тывада коронавирус аарыының өскенин 8,6 хууда демдеглеттинген. Кызыл, Каа-Хем, Мөңгүн-Тайга, Улуг-Хем кожууннарда аарыг көвүдеп турар. Даштыкы чурттардан кээп турар хамаатылар чурум чок болуп турар. Оларны харыысалгага онаар кылдыр 110 материалды шүүгү органнарынче чоруткан бис» - деп, Людмила Салчак чугаалаан.
Росхереглелхайгааралының эргелели Уруглар камгалалының хүнүн бажың чанының девискээрлеринге эрттирерин сүмелээн. А массалыг хемчеглерни хораанын сагындыраал.
#аппаратхуралы #ховалыг #стопкоронавирус #уругларкамгалалыныңхүнү #тыванын_аныяктары
