Чараш кыстарның тергиин чедиишкини

Тывадан 17 харлыг Ариана Ахметова Азияның тергиин ТОП-10 модельдериниң санынче кирген. Ол ышкаш Алдын-Сай Куулар ТОП-10 модель аразынче кирбезе-даа, "Face of Asia - 2022" бүгү делегей мөөрейиниң дипломун чаалап алган. Ол национал хеп номинациязынга тиилээш, Көреяның SHINCAN тергиин университеттериниң бирээзи SHINCAN-ның стипендидады дипломну чаалап алган. Оон аңгыда Тывадан бүгү делегей чергелиг мөөрейге Начын Ооржак киришкен. Ооң көрүлдези база төлептиг болганы чугаажок. "Face of Asia" («Лицо Азии — 2022») мөөрей Мурнуу Көреяда эртип турар. Аңаа бо чылын янзы-бүрү чурттардан 54 киржи киришкен. Чуруктарны болгаш медээни социал четкилерден алган.