Чалыы назынның чараш өйү: чараш болурунуң чажыттары

Beauty-зона бо шакта «Азия төвү» скульптурлуг комплексте ажылдап турар. Ында визажистер, стилистер, парикмахерлер чараш болурунуң дугайында таныштырып, мастер-класстарны эрттирип турар. «Бөгүн Аныяктар хүнүн таварыштыр мында чыглып келген уругларга чараш болурунуң чажыттарын айтып бербишаан, прическаларын эдип берип тур мен. Макияжты канчаар кылырыл, арынга кандыг кремнер чаарыл дээш оон-даа өске айтырыгларны аныяк кыстар сонуургап турар. Бодум 2022 чылда Гоар Аветисянның визаж школазын дооскан мен» -деп, визажист Даяна Ондар чугаалаан. Алена НАН-ХОО