Чайгы дыштанылга: уругларның кадыкшылынче кичээнгейни углаар

Тывага чайгы дыштанылга кампаниязын 241 эмчи хандырар, оларның аразында 36 педиатр-эмчи бар. Шупту эмчи ажылдакчылары уругларның кадыкшылга лагерьлеринге ажылдаар угланыышкыннарның онзагай талалары ёзугаар кыска өөредилгени эрткен. Бир эвес кадыкшылга лагерьлеринге уруглар болгаш ажылдакчылар аразынга инфекциялыг болгаш инфекция чок аарыглар, ОРВИ-ден аараан каразыг тыптып келзе, маршрудунуң схемазы кылдынган. Регионнуң Кадык камгалал яамызының дужаалы ёзугаар чайгы лагерьлерге санитар-чырыдыышкын ажылдарының планын тургускан. Ында кадык амыдыралды суртаалдаары, уругларның бертинип, кемдеп болурунуң айыылын чайладыры, эрте иштелип болуру, суицидке хөөннүг уругларга профилактиктиг хемчеглер, туберкулез дугайында билиглер дээш оон-даа өске айтырыглар кирип турар. Бо чайын кадыкшылга сезонунда республикага 183 лагерь ажылдаар, ооң иштинде 21 кадыкшылга лагери, 159 хүндүскү база 2 майгын, 1 күш-ажылдың болгаш дыштанылганың лагери барын сагындыраал.   Чурук: ИА "Туваонлайн" #чайгыдыштанылга17