Чаңгыс аай күрүне шылгалдаларын 100 баллга дужааганнар
Күрүне шылгалдаларын дээди баллга дужаап турар доозукчулар ам-даа немежип турар. Бөгүн математикага күрүне шылгалдазын 100 баллга дужааган доозукчуларга Тываның Баштыңы Владислав Ховалыг байырны чедирген.
«Кызылдың президентиниң кадет училищезиниң доозукчулары Алдын Дирти биле Эчис Одекей математикага шылгалданы 100 баллга дужааганнар. Кайызы-даа профильдиг олимпиадаларга тиилеп турган. Оон аңгыда спортта база чедиишкиннерлиг. Тергиин түңнелдерлиг болганы дээш Алдын биле Эчиске болгаш оларның башкызы Ольга Павловна Магеряга байырым чедирип тур мен» - деп, ол бодунуң блогунда бижээн.
