Чаагай чемни кылып өөренгеннер

Республиканың немелде өөредилге төптеринде уругларны күш-ажылга өөредир бөлгүмнер ажылын уламчылап турар. Уруглар аргыттынар-дааранырындан аңгыда, аъш-чемни кылып өөренип турар. Ол ышкаш ыры-хөгжүм уран чүүлүнүң чогаадыкчы каттыжыышкыннары удаа-дараа республика болгаш бүгү Россия чергелиг мөөрейлерге киржип, шаңналдыг черлерни ээлеп, төрээн Тывазын делегейде алдаржыдып чоруурлар. Ак-Довурактың Уругларның болгаш элээдилерниң чогаадыкчы чоруун сайзырадыр төпте «Чалыы кулинарлар» каттыжыышкынның өөреникчилери «Картошка» деп пирожноени белеткеп өөренип алганнар. Чаагай аъш-чемни кылып билири – амыдыралда шиңгээдип алыр чугула угланыышкынның бирээзи. #бөлгүмнерниң_ажылы