Чаа школалар немежир
Регионнуң удуртукчузу-биле ужуражылгазының үезинде Чурттуң Президентизи Владимир Путин школаларда уругларның ийиги ээлчегде өөренип турарынче кичээнгейни угландырган.
«Мээң билип турарым-биле алырга, Тывада ийиги ээлчегде өөренип турар уругларның саны ниити Россияга бодаарга, барык ийи катап хөй. Ол чүүл школа назыны четпээн уругларның албан черлеринге база хамааржыр. Бо айтырыгже кичээнгейни углаарын дилээр ийик мен» - деп, Президент чугаалаан.
Ук угланыышкын езугаар республикада ажыл чоруттунуп, чоорту өөредилге албан черлери немежип турарын Владислав Ховалыг дыңнаткан.
Регионда сөөлгү чылдарда:
9 муң олуттуг 12 чаа школа туттунган,
55 өөредилге чериниң капитал септелгезин чоруткан,
8 уруглар сады ажыттынган база 21 уруглар садынга немей оран-саваны туткан.
«Ынчалза-даа кылыр чүүлдер ам-даа хөй, Тывага өөредилге албан черлериниң чаа оран-савазы ам-даа херек» - деп, Владислав Ховалыг МАХ-та бодунуң каналында демдеглээн.
Чурттуң Президентизи Тывага ам-даа немей өөредилге албан черлерин тудары-биле федералдыг Чазакка даалганы бээрин аазаан.
Буян Ооржактың тырттырган чуруу
Регионда сөөлгү чылдарда:
9 муң олуттуг 12 чаа школа туттунган,
55 өөредилге чериниң капитал септелгезин чоруткан,
8 уруглар сады ажыттынган база 21 уруглар садынга немей оран-саваны туткан.
«Ынчалза-даа кылыр чүүлдер ам-даа хөй, Тывага өөредилге албан черлериниң чаа оран-савазы ам-даа херек» - деп, Владислав Ховалыг МАХ-та бодунуң каналында демдеглээн.
Чурттуң Президентизи Тывага ам-даа немей өөредилге албан черлерин тудары-биле федералдыг Чазакка даалганы бээрин аазаан.
Буян Ооржактың тырттырган чуруу
