Чаа-Хөл: район судунуң ажыл-чорудулгазының дугайында таныштырылга

Чаа-Хөл кожууннуң Булуң-Терек суурунда ортумак школага шииткекчиниң дузалакчызы Р.А. Серенмаа чедип, өөреникчилер-биле ужуражылганы эрттирген. Ол уругларга кеземче, административтиг болгаш хамааты хоойлу-дүрүмге хамаарыштыр харыысалга дугайында таныштырбышаан, шүүгү структуразының төөгүзүн, шииткекчи болур дизе, кандыг негелделер турарын база шүүгү адырының ажыл-чорудулгазын тайылбырлаан. Школачылар шүүгү ажылдакчызының чугаазын улуг сонуургал-биле дыңнап, сонуургаан айтырыгларынга чиге харыыларны алган. Мира Конгул-оол белеткээн. Чуруктарны социал четкилерден алган.