Ча адыгжылары өөреникчилерниң чайгы Спартакиадазынга киржир

Бөгүн Елена Достай бодунуң өөреникчилери-биле Москваже ужупкан. Улаштыр Ростов-на Донуга чедир поездилеп чедер. «Москва таварыштыр Ростов-на Донуже чоруур ужурга таварыштывыс. Чүге дизе чурттуң мурнуу талазының аэропорттары хааглыг. Июнь 25-30 хүннеринде Ростов облазының Таганрог хоорайга XI чайгы Спартакиада болур. Ча адар аныяк спортчуларывыс шилилге маргылдааны эрткеш, Тываны төлээлээр эргени чаалап алган. Ооң мурнунда чылдарда өөреникчилер Спартакиадазынга Сонамаа Куулар база Мерген-Херел Сарыглар тиилеп турган. Бо удаада өөреникчилеривиске спортчу чедиишкиннерни күзедим» - деп, Елена Достай бодунуң блогунда бижээн. Мира КОНГУЛ-ООЛ. #спорт Тыванын аныяктары/Молодежь Тувы