Белеткел ажылдары эгелээн

Улуг-Хем кожууннуң Торгалыгда биче суурларның культурлуг инфратургузуун чаартыр "Сорунза" төлевилели-биле 150 олуттуг клуб тудуунуң ажылдары чоруттунуп эгелээнин чагырга чери дыңнаткан. Клуб тудуунуң чер документизи кылдынган, суг хандырылгазы — кудукту каскан, электри шугумун шөйүп, кожар ажылдарны кылыры-биле 81 муң рубльге "Росчетки" компания-биле керээни чарган. Клуб тудуунуң хүлээникчизи Г.Х. Серин бо хүннерде тудуг материалдарын эккеп эгелей берген. Үш "КамАЗ" маркалыг автомашина ишти сибит материалы келирге, суурнуң албан черлериниң ажылчыннары болгаш суурнуң эр хиндиктиг чону тудуг материалын дүжүрер ажылды шалыпкын чорутканнар. Тудуг материалдарын ам-даа эккээр, бо айдан эгелеп тудугну эгелээр. Керээ езугаар чаа клубту бо чылдың август 1-ге чедир дооскан турар.