Бүргег агаар моондак болбаан

Кызыл хоорайның Арат шөлүнде чурттакчы чонга таарымчалыг олуттарны кылган. Агаар-бойдус арай бүргег-даа болза, буддийжи шажын-чүдүлгелиг чон Национал театрның чадазында бедидир тургускан экрандан «Тубтен Шедруб Линг» хүрээзиниң байырлыг ажыдыышкынындан дорт дамчыдылганы көрүп турар. Долбаана Адыг-оол, Тываның Аныяктар херектериниң талазы-биле агентилелиниң специализи: - Хүрээниң байырлыг ажыдыышкынындан дорт дамчыдылганы социал четкилер таварыштыр көруп алыры меңээ дыка эптиг-дир. Бөгүн арай чаъстыг, бүргег хүн боорга, кудумчуже үнмейн, телефон азы компьютер таварыштыр көөр аргалыг болдувус. Ынчалза-даа Национал театр мурнунда экрандан көрүп алырга, каас-чараш байырлал улам дээштиг болуру чугаажок. Алена Нан-Хоо. Чуруктарны Начын Ангыр-оол тырттырган. #храм