Барыын-Хемчиктиң чараш оолдар-кыстары мөөрейлешкен

#аныяктар Барыын-Хемчик кожуунга дээди болгаш ортумак өөредилге черлериниң студентилериниң ортузунга «Мисс болгаш Мистер студенчества-2022» мөөрей болуп эрткен. Аңаа Кызыл-Мажалык, Ак, Шекпээр, Аянгаты, Эрги-Барлык сумулардан аныяктар идепкейлиг киришкен. Студентилер ажыл-херекчи, национал хептерни бараалгатпышаан, чогаадыкчы мөөрейге боттарының салым-чаяанын ажыткан. А мөөрейниң түңнел кезээнде аныяк кыстар байырлал хевин бараалгаткан. Шупту аныяктарның каас-чаражын, артисчи салым-чаяанын, ханы хөй билиглиин көрүкчүлер магадаан. Мөөрейниң түңнелинде "Мисс студенчества -2022" атты Аксы-Барлыктың төлээзи, "Мистер студенчества-2022" атты Ак суурдан Ооржак Сыдымчы алган. Бирги база ийиги чергениң шаңналдарынга Аксы-Барлыктан Хертек Амыр-Санаа, Актан Сарыглар Аюша, Шекпээрден Ооржак Аюша төлептиг болган. А "Салым-чаяанныг студент" аттарны Эрги-Барлыктан Хомушку Байыр, Юлия Саая алганнар.