Барыын-Хемчик: Шүүгү ажылдакчыларының деткимчези

Барыын-Хемчик кожууннуң район судунуң ажылдакчылары элээди спортчуга деткимчени көргүскенин дыңнадып турар. Кожууннуң спортчу школазының 12 харлыг кижизиттирикчизи республика болгаш федералдыг дзюдо турнирлеринге чаңгыс эвес удаа тиилелгелиг черлерни ээлээн. Баштайгы көрүштен бичии ырбыска уруг херек кырында спортчу чүткүлдүг болуп, кызымаккай, шыдамык чоруун көргүскен. Бичии спортчу эш-өөрүнге үлегерлиг дээрзи чугаажок. Аңаа дзюдо хевин шүүгү ажылдакчылары садып бергенин сагындыраал. Мира КОНГУЛ-ООЛ белеткээн. Чурукту социал четкилерден алган.