Бай-Тайга: уруглар садтарының ажылдакчылары турисчи слётту эрттирген

Бай-Тайга кожууннуң уруглар садтарының ажылдакчылары Шуй суурнуң чоогунда Дыттыг-Дөргүн деп черге турисчи слётту эрттирген. Турисчи слёттуң киржикчилериниң байырлыг чыскаалы чарыштың хей-аъдын, тура-соруун көдүрген. Уруглар садтарының 45 хардан өрү ажылдакчылары маңнаарынга чаржып, уран чүүл көрүлделерин бараалгаткан. Команда бүрүзү боттарының салым-чаяанын бадыткаан. Хол бөмбүүнге маргылдааны агаарның байдалы-биле өске хүнче чылдырган. Спортчу маргылдааларны Өг-бүле чылынга тураскаатканын сагындыраал. Чуруктарны социал четкилерден алган.