Авамга аас-кежикти күзедим

Мээң авамның адын Чанзан Айлана дээр. Ол садикте ажылдап турар. Кел чыдар март 8 байырлалын таварыштыр авамга байыр чедирдим, а 8-тиң хүнүнде авамга чечек, конфета садып бээр мен. Авамга дыка ынак мен, ол база меңээ ынак. Авам дыка чараш. Делегейде шупту кижилер март 8-тиң хүнүнде аваларынга байыр чедирер, четтиргенин илередир. Аваларын хүндүлээр болза эки. Кандыг-даа кижиниң чуртталгазында бир дугаарында авазы турар. Ынак авай! Кыс чоннуң байырлалы – март 8-тиң хүнү-биле база катап байырым чедирдим. Буян Чанзан. Кызыл хоорайның 9 дугаар гимназиязының 6 «г» клазының өөреникчизи. «Элээди журналист» бөлгүмү