Авамга
Оранывыс чырыткызы сылдыстардан,
Онза, топтуг камгалакчы бурганнардан
Орлан, чараш кыстыг боор дээш, мээң авам
Он-на чылдың нүүрүнде тейлеп келген.
Чырык черге мени чаяап бодараткан
Чырыткы дег иемейге
мөгеер мен.
Ынай чашты чүрээн орта чыпшыр туткаш,
Ыдык ырың ырлап
чорааш, доруктурдуң.
Бүзүрелиң ындыг күштүг турбаан болза,
Бүткүр бодум айдың черге базар мен бе…
Ам бо хүнде чечек сүзүп чоруурум-даа,
Авайымның буян долган сеткили-дир.
Цэнд-Аюуш САТ
Чурукту Интернеттен алган
