«APTARA FASHION» II-ги этниктиг мода болгаш садыг-делгелге эртер

Республиканың Экономика яамызының оралакчы сайыды Эва Даваа-Самбуунуң дыңнадып турары-биле алырга, ТАР-ның 100 чылы база 2021 чылдың Шагаа байырлалын уткуштур ук яамы Тываның Чазааның деткимчези-биле «APTARA FASHION» II-ги этниктиг мода болгаш садыг-делгелгени организастаар. Этниктиг мода кластери болгаш чиик бүдүрүлгениниң кластер хөгжүлдезиниң төвү 2018 чылда тургустунган. Ук кластер этниктиг модада, чиик бүдүрүлгеде ажылдап чоруур сайгарлыкчыларны болгаш бот-ажылдыг кижилерни хаара тудар сорулгалыг. Амгы үеде кластерже 48 кижи кирип алган. 2019 чылда этноковоркинг тургустунган, олар 68 мастер-класстарны эрттирип, 1500 ажыг херээжен чонну өөреткен. Оларның иштинде 19 биче болгаш ортумак бизнестиң субъектилери чаа төрүттүнген чаштарга, ясли назылыгларга, школачыларга хепти даараар сертификаттарны алган. #Нацпроект #Малоеисреднеепредпринимательство #МинэкРТ #Караоол