Аныяктарга үлегерлиг: эликтерни септээн

Өвүр кожууннуң девискээринде Улаатай аржаанынга бо чайын дыштанып кээп чораан Кызылдың чурттакчызы, Бай-Тайганың Кара-Хөл чурттуг, 58 харлыг Хүреш-оол Опеевич Хертек аржаанның бедик даг кырында дүрзүлерни септээн. "Дыштанып кээрде, Кызылдан бодумнуң машинамның тележказынга цемент, дозулар, манзалар дээш херек чүүлдерни чүдүрүп алгаш келдим. Элээн каш чылдарда септеттинмээн эликтер дүрзүлерин хевир киирдим. База аржаанга кирип турган кезек оолдарны эвилелдээш, чаа туалетти база кылдывыс. Эмненип, домнанып турар кайда-даа черлеривис чараш чаагайжыдылгалыг турзун деп күзээр-дир мен" - деп, ол чугаалаан. Бойдузувустуң эм-дом аржааннарынга хумагалыг болуулуңар! Чуруктарны социал четкилерден алган