Аныяктар сесерлиинден фоторепортаж

Аныяктар сесерлиинге өрт-техниктиг чепсеглениишкин болгаш камгалал дериг-херекселдери, тускай техниканың көрүлдезин организастаан. Оон аңгыда уругларга өрт айыылының дугайында өөредиглиг кинофильмнерни көргүскен. Сесерликке «Россияның бичии эзирлери» шөлчүгеш ажылдап, «Чалыы туристиң кокпазы» мини-полоса болгаш өске-даа солун хемчеглер хөй болган. Алена Байыр, кол специалист: - Бөгүн өрт өжүрүкчүлериниң тускай техниказын, дериг-херекселдерин делгээн. Мында чыглып келген уруглар-биле квест-оюнну эрттирип, өртке удур профилактиктиг ажылды чорудуп тур бис