Аныяктар адырының ажыл-ижинде ажылдакчыларны үнелээн

Дээди Хуралдың Даргазының оралакчызы Виктор Глухов Россияның аныяктар хүнү-биле республиканың аныяктар шимчээшкининиң хоочуннарынга болгаш идепкейжилеринге байыр чедирген. Өөрүп четтириишкинниң онза сөстерин Тываның аныяктарының аңгы-аңгы чылдарда баштыңнары – Александр Санчатка, Уран-кыс Ондарга, Алина Даржаага, Александра Монгушка болгаш Мария Сергееевага илергейлээн. Оларга болгаш өске-даа аныяк активистерге регионалдыг парламентиниң Хүндүткел бижиктерин болгаш Өөрүп четтириишкиннерин тывыскан. "Россияның Аныяктар хүнүн таварыштыр ТР-ниң Дээди Хуралының Өөрүп четтириишкинниң бижиик алдым. Аныяктар херектериниң адырынга киирген үлүг-хуумну бедик үнелээни дээш четтирдим. Уран-кыс Сергеевна Ондарның чугаалааны-биле алырга, ол - улуг харыысалга. Төрээн Тывамның болгаш Россияның чаагай чоруу дээш ам-даа улаштыр ажылдаар мен" - деп, Аяс Ондар бодунуң блогунда юижээн. Алена Нан-Хоо чуруктарны социал четкилерден алган #аныяктар_хүнү