Аныяк парламентарийжилерни соңгуур

ТР-ниң Аныяктар Хуралының даргазының оралакчызы Чейнеш Очурнуң дыңнатканы-биле алырга, Тываның Аныяктар хуралының кежигүннериниң хуусаазы төнген. Чоокку үеде Аныяктар парламентизиниң дөрткү чыыжынче кандидаттарның шилилгези эгелээр. "Аныяк парламентарийжи республиканың хоойлужудулга органы - Дээди Хуралдың ажыл-чорудулгазынга киржир аргалыг. Аныяктар хоойлу-дүрүм ажылдап кылырынга үлүг-хуузун киириштирип, харын-даа республиканың янзы-бүрү күүсекчи органнарының келир үеги кадрлары болуп турар. Хөй-ниити ажылдарынга киржип тургаш, аныяктар улуг арга-дуржулганы алыр" - деп, ол бодунуң блогунда бижээн. Алена Нан-Хоо белеткээн. Чурукту Аныяктар парламентизиниң социал четкилерде албан езу арынындан алган.