Аныяк корреспондентиниң медиа адырда чедиишкини
Тываның Баштайгыларының аныяк корреспондентизи Темир Лоспанов Санкт-Петербург хоорайда бүгү Россия чергелиг «МедиаБУМ» фестивальга киришкен.
Темир Лоспанов-биле кады Баштайгыларның медиа талазы-биле төлевилелдериниң удуртукчузу Чечена Соян фестивальдың атмосферазынче шымныгып кирген. Шөлчүгештерде медиа адырының биилдингир эксперттери болгаш аныяк корреспондентилер чыылган.
Ук адырда баштайгы базымнарын эгелээн аныяк корреспондентиге ат-сураглыг специалстерниң мастер-класстарынга киржири чугула дээрзи билдингир.
Фестивальдың программазынче чүгле мастер-класстар эвес, а спикерлер болгаш «МедиаПритяжение» төлевилелдиң кураторлары-биле ужуражылгалар, үнүүшкүннүг аян-чоруктар кирген.
Бо дыштаныр хүннерде Санкт-Петербург хоорайның 300 харлааны Паркка фестивальдың байырлыг хаашкыны болган. Аңаа «МедиаПритяжение» төлевилелдиң тиилекчилерин шаңнаан.
Темир ук мөөрейниң чартык финалынче киргенин сагындыраал.
Баштайгыларның медээзинден Алена Нан-Хоо белеткээн.
