Аныяк кадрлар дээди эртемниң быжыг билии-биле чепсегленген

Тываның Дээди Судунга Россияның күрүнениң шүүгү университединиң доозукчуларынга дипломнарны байырлыг байдалга тывыскан. Байырлыг хемчегге ТР-ниң Дээди Судунуң даргазы В.К. Ондар, ооң оралакчызы Э.В. Орешков база РКШУ-ниң Барыын-Сибирь салбырының директорунуң оралакчызы Е.И. Сусенков киришкен. Дээди өөредилге чериниң удуртулгазы чыл санында хүлээп алыышкын база дипломнар тыпсырда, бистиң республикавысче кээп турар. Дээди Судтуң оран-савазынга доозукчуларга дээди өөредилгени чедип алганының дугайында документини тыпсыры чаагай чаңчыл апарган. Бо чылын юридиктиг колледжти дооскан соонда, бакалавр болгаш магистр дипломнарын 12 аныяк кижи алган. Арга-дуржулгалыг шииткекчилер база дээди өөредилге чериниң удуртулгазы аныяктарга дээди эртемни чедип алганы дээш байырны чедирип, ажыл-ижинге чедиишкиннерни күзээннер. Дээди Судтуң медээзинден Мира Конгул-оол белеткээн. Чуруктарны социал четкилерден алган