Андрей Биче-оол хоорза аштаар мергежилди шиңгээткен

Бии-Хем кожууннуң Аржаан сумузунда Андрей Биче-оол социал керээ езугаар хууда херээн ажыткан. Ол сумунуң удуртулгазының сүмелээни-биле, хоорза аштаар мергежилди шиңгээдип алган. Кышкы үеде угарлыг газтың айыылындан база хоолай аштадыр күзелдиг чоннуң хөйүнден 350 муң рубльди социал керээ езугаар аңгылаан. Андрей Биче-оол вакуумнуг хоорза аштаар херекселди, чаданы, камгалал тросту болгаш өске-даа херек чүүлдерни садып алган. Кыска үениң дургузунда кожууннуң 10 хире чурттакчызы ооң ачы-дузазын алган. Тускай шериг операциязының киржикчилериниң өг-бүлелеринге халаска дузазын көргүзүп, а хөй уруг-дарыглыг өг-бүлелерге чартык өртээнге ажылды кылып берип турар. Хоорза аштаарындан аңгыда, ол суугу салып билир. Одалга сезону төнерге, печниктиң курстарын доозуп, шынзылга бижикти алырын планнап турар.