Америкада тывалар дедир эглип кээри чадапчок

Тываның Баштыңының хүлээлгезин түр күүседип турар Владислав Ховалыг хамаатыларның онлайн хүлээп алыышкынын кылган. Ооң-биле интернет четкизи таварыштыр Надежда, Андрей Күжүгеттер харылзашкан. Аныяк өг-бүле АКШ-тан чедип келген, амгы үеде Москвада турар. Чоокку үеде Кызылче кээр сорулгалыг. Аныяктар Америкага элээн үр ажылдап-чурттаан, аңаа оларның оглу төрүттүнген. Надежда бо чылын Нью-Йоркта Колумбий университетти доозуп, «Кижиниң эргелери» мергежилди чедип алган. Ол Тывадан делегейде ат-сураглыг өөредилге черинге эртем-билиг чедип алган чаңгыс-ла кижи болуп турар. Өг-бүлени республиканың девискээринде эпидемиологтуг байдал дүвүредип турган. Тыва коронавирус хамчыының үшкү чалгыын эртип турар-даа болза, республикаже кирери кызыгаарлаттынмаанын Владислав Ховалыг аныяктарга дыңнаткан. Тываның Баштыңының хүлээлгезин түр күүседип турар В. Ховалыг база аныяктар АКШ-та чурттап чоруур тыва чаңгыс чер-чурттугларын сактып чугаалашкаш, келир үеде планнарын сайгарган. Онлайн-ужуражылганың түңнелинде республиканың бирги удуртукчузу аныяктарның кайызы-даа Тывага үнелиг каадырлар дээрзин чугаалаан. Олар төрээн чуртунга кезээде херек. Эр хейлер! Силерге чедиишкиннерни күзедим. Төрээн чуртуңарже кээп, сагыш-сеткилңерден эки дыштанып алыңар. Силер дээш өөрүп тур бис деп, ол чугаалаан. #врио #ховалыг #приемграждан #межнац #тыванын_аныяктары