Материал на тувинском языкеНиитилел / Общество

Ак-Довурактың даг техникумунуң студентилери Барыын-Хемчик район судунда

Ак-Довурактың даг техникумунуң студентилери Барыын-Хемчик район судунда
Ак-Довурактың даг техникумунуң студентилери кижизидилге талазы-биле чөвүлекчи Шеңне Ховалыгның удуртулгазы-биле Барыын-Хемчик район судунуң ажыл-ижи-биле танышкан. Шүүгү органының ажылдакчылары студентилерге когараан болгаш каразыттырган кижиниң эрге-ажыының база хүлээлгелериниң дугайында таныштырган. Оон аңгыда аныяктар суд үезинде адвокаттың база очулдурукчунуң ужур-дузазының дугайында билип алганнар. Ол ышкаш эң кол кичээнгейни назы четпээннер ортузунда корум-чурум үрээшкиннеринче углаан. Студентилерге назы четпээннер ортузунда кем-херек үүлгедиишкиннериниң сан-чурагайын, ооң чылдагааннарын база ону чайладып болур хемчеглерниң дугайында таныштырган. Ук факт-барымдаалар эрге-хоойлу талазы-биле кижизидилгениң болгаш аныяктар ортузунга корум-чурум үрээшкиннеринге удур профилактиктиг хемчеглерниң чугулазын херечилеп турар. Хемчегниң эң-не солун кезээ – студентилерниң суд хуралын эрттиргени. Олар шииткекчиниң, адвокаттың, прокурорнуң болгаш өске-даа киржикчилерниң ролюн ойнаан. 💬«Шак мындыг хемчеглер аныяк-өскенниң юридиктиг системаны ханы билип алырынга дузалаар. Ол ышкаш студентилерниң хоойлу-дүрүмнү сагып өөрениринге деткимче» - деп, башкы дыңнаткан. «Чашкы назын навигаторлары» төлевилелдиң медээзинден Мира Конгул-оол белеткээн. Чуруктарны социал четкилерден алган.
РекламаМесто для вашей рекламыРазмещение рекламы в газете «Тываның аныяктары» · mail@anyiaktar.ru

Читайте также

ТЫВА

2026 чылдың ноябрьның 26-да, кежээкиниң 18:00 шакта Тываның Баштыңы Владислав Ховалыг-биле дорт дамчыдылга болуп эртер.

2026 чылдың ноябрьның 26-да, кежээкиниң 18:00 шакта Тываның Баштыңы Владислав Ховалыг-биле дорт дамчыдылга болуп эртер.Тываның Баштыңының дорт дамчыдылгазының …

ТЫВА

2026 чылдың ноябрьның 26-да, кежээкиниң 18:00 шакта Тываның Баштыңы Владислав Ховалыг-биле дорт дамчыдылга болуп эртер

2026 чылдың ноябрьның 26-да, кежээкиниң 18:00 шакта Тываның Баштыңы Владислав Ховалыг-биле дорт дамчыдылга болуп эртер.Тываның Баштыңының дорт дамчыдылгазының …

QR-код приложения Тува-24
ВСЕ НОВОСТИ В ТЕЛЕФОНЕ

Читайте газету в мобильном приложении «Тува-24»

Новости Тувы, важные материалы и публикации на русском и тувинском языках.

Скачать в RuStore ↗