Ак-Довуракка аныяктарның Төлевилелдер пикниги эрткен

Ак-Довурак хоорайның Баштайгылары «Бедиктер» бүгү Россияның Акселератор төлевилели езугаар Төлевилелдер пикнигин эрттирген. Аныяктарның пикнигинге 12-ден 25 хар чедир назылыг 42 салым-чаяанныг оолдар, уруглар киришкен. Олар боттарының социал төлевилелдерин камгалап, санал-бодалдары-биле солушканнар. Ооң эксперти кылдыр хоорайның эң-не креативтиг активичизи Ayana Aldyn-Kherel киришкен. Төлевилелдер пикнигин аныяктар аажок сонуургаан. 7 команда 11 кайгамчыктыг солун төлевилелдерни киирген: Фестиваль «k-pop cover dance», «Площадка мечты», «Медиа Сфера», «Тыва ужурлар» уругларның этно-фестизи, «Вера» школачылар клуву дээш оон-даа өске. Ак-Довурактың Баштайгылары дараазында шөлүлгеже боттарының саналдарын киирерин чарлап турар: будьвдвижении.рф/projects/2097, оон аңгыда edu.pervye.ru/lessons/52 адреске киргеш, онлайн-курстарга өөренип болур. А бо шөлүлгеже аныяк кижи бодунуң төлевилелин чоруткаш, август 10-га чедир үргүлчүлээр Акселераторнуң ийиги чадазынга киржип болур: aakuzhuget@pervye.ru Алена Нан-Хоо белеткээн.