Ада-ие чаш уругларның амы-тыны, кадыкшылы дээш харыысалгалыг

Чайын уруглар хөй ойнаар, кудумчуга хостуг үезин эрттирер. Ооң-биле чергелештир уругларның берттинип-кемдээр айыылы тургустунуп болур. Ынчангаш уругларның айыыл чок чоруун баш удур болдурбазы актуалдыг болуп артпышаан. Ада-ие чаш уругларның амы-тыны, кадыкшылы дээш харыысалгалыг. Олар уругларга айыыл чок байдалды тургузуп, ооң дүрүмнеринге өөредир ужурлуг. А эң-не кол чүүл – уругну хайгаарал чокка арттырып болбас. Чаштарның айыыл чок чоруунга хамаарышкан бичии-даа дүрүмнерни сагыыры чугула. Ол ышкаш уруг ону билген турар ужурлуг. Чайын хем-сугга уруглар, болганчок-ла, улуг кижилерниң хайгааралы чокка эштип турар болур. Ону шуут болдурбас. Уругга тайылбырлаар: хем эриинче, хөлдерже чүгле ада-ие-биле барып болур. Бодунуң барып көрбээн черлеринге эштири хоруглуг. Сугже кирер мурнунда, ооң девискээрин шинчилеп көөр.  Уругларның сагыыр ужурлуг дүрүмнери: Сугга ойнаары айыылдыг: эштерин сугже киир итпес, суг адаанга чаштынчып ойнавас.  Сугже таарымча чок черден шураары хоруглуг.  Суг үнүжү бар, оът-сигенниң черлерге эштип болбас.  Үрдүрүп каан матрацтар-биле ырадыр эштип чорууру хоруглуг.  Сугга дүшкен кижи өттүнүп, меге дуза кыйгырбас. Чурукту Интернет четкизинден алган. #минобразованиятыва #безопасностьдетей